La Usc di Ladins

Da ot ediziuns incá s’incunta grups y artisć de bal popolar de döt le monn ai »Marrakech Folklore Days«, por zelebré la diversité, le patrimone cultural y la pesc cun le balé, le cianté y le soné. Cater dis de festa, de incuntades, de laboratori, de poscibilité da balé cun d’atri grups, de ciaré y se lascé imprescioné.
Chësc festival (dai 22 ai 25 d’otober 2026) é un di plü gragn de chësta sort tl’Africa y tl monn arabich y al é sté la dërta dezijiun da orëi n iade tó pert y jí a ciaré dal ví: scrit ite s’á incër 29 grups da 17 naziuns, cun sü guanc tradizionai, sües bandires, sü stromënc y lingac tan preziusc sciöche le nost. I un incunté le grup di adulc y di mituns de Sarntal y ince le grup di balerins da Urtijëi á rapresenté la Talia danter naziuns sciöche la Spagna, la Polonia, la Grecia, Lituania, Estonia, Ungheria, Irlanda, Congo, le Maroco instës, i Catalans, le Libano, l’Austria, i Paisc Todësc y d’atri.


Liede inant, tla ediziun nöia de vëndres ai 5 de novëmber, l’esperiënza di balarins dl’Uniun dl bal popular Val Badia a Marrakech, cuntada da Lois Kastlunger!