La Usc di Ladins

Imparé da ti sté dlungia a porsones che é daimpró al morí, capí co i acompagné y ti fá le guern te chësta ultima fasa dla vita, é l’argomënt traté ti cursc dedicá al »Ultim Aiüt«, i cursc che nes arjigna ca da afronté la fin dla vita de nüsc parënc, amisc y vijins.
Chisc cursc, che é gnüs ideá dal dotur Georg Bollig, é gnüs metüs a jí por le pröm iade dl 2008, y vëgn ince pitá dal 2022 incá tla Val Badia. Te chësc mëis de novëmber éra indô tan inant: al gnará metü a jí dui cursc, le pröm le vëndres ai 13 de novëmber a Badia y le secundo le vëndres ai 20 de novëmber a San Martin de Tor. 

Por nen savëi deplü, ti unse fat val’ domanda ala coordinadëssa dl Sorvisc infermieristich dla Val Badia Maddalena Trebo, che é a ce dl’organisaziun di cursc de Ultim Aiüt tla valada.

La Usc Ciodí él pa important che chechessî ais chësta conescënza y nia ma i profescionisć sanitars?
(Maddalena Trebo) Al é da azeté che sciöche la nasciüda, él ince la mort che fej pert dla vita y ara reverda vignun de nos. Düc nos gnarun a contat impara, ince tres les porsones che nes é dlungia. Por na porsona che an sá damperfora che ara é daimpró ala mort, n’arati nia che l’ospedal sides le dër’ post por spiré. Al é le dër’ post da curé les porsones y da salvé la vita, chël savunse, mo al n’é nia n post chît, da se sté saurí sciöche a ciasa. Cun i cursc orunse mostré che ara vá, cun l’aiüt di sorvisc che vëgn te ciasa, sciöche le sorvisc infermieristich, l’assistënza a ciasa, le dotur de ciasa, le team de cures paliatives y l’assistënza spirituala, da morí en pesc a ciasa.

Liede inant l'intervista tla ediziun nöia de La Usc di Ladins de vëndres ai 6 de novëmber!