La Usc di Ladins

En le De dles Armes y en Gnissant domisdé recorda la Dlijia da Roma düc i defunc. Por la crisa de corona ciafa la comemoraziun di Morc en chësc ann na importanza lapró. "La comemoraziun di Morc ne pó iniann nia tomé fora – dantadöt nia iniann. Al ne dess nia ester 'desco dagnora', mo sce les regoles varëntes (mascherot, destanzes y dejinfeziuns) vëgn adorades cun respet, responsabilité, sëns, zënza tëma y panich, podunse ince en chësc ann comemoré nüsc defunc", dij le Vësco Ivo Muser. Te na zircolara menada fora ales Ploanies aconsiëia la Direziun diozejana da ne se sposté nia tratan la zelebraziun dla festa, da i recordé ai fedei tl mëteman dles funziuns les regoles da tigní ite y da fistidié danfora por assá porsones che ciara sura y fej respeté les regoles te Dlijia y te Cortina.

 (Iaco Rigo)