La Usc di Ladins

Plu de 200 chilometri se tratòvela de fé y chël ti ie ala fin de mei garatà ai doi David de Urtijëi. Bele da giut incà ova i cumëmbri dl Parapendio Club Gherdëina chësc travert dan i uedli: vester boni de fé n triangul FAI de passa doicënt chilometri cun l parapënd pian via da Gherdëina. »Perdrët fovi pa bën dan passa diesc ani bele julà passa doicënt chilometri pian via da Col Rodela, nen ove fat 235, ma i ne me l à nia lascià valëi, davia che l ne n’ie nia te Gherdëina«, s’la rij David Piazza canche l me conta de chësc si record nuef.

N merdi ai 26 de mei ti iela garateda y velch de stramp iel stat che n chël di ne n’à nia mé ël, ma nce si cumpani David Perathoner de Caio, sticà l record da dant: tramedoi ie stac boni de julé passa doicënt chilometri pian via da Secëda y dajan sëura ta Minert.

Elisabeth Kostner

L articul tla edizion atuela de La Usc di Ladins.