La Usc di Ladins

L ie nce chëst ann stat n avenimënt per nosta valeda y na ndesfideda per chëi y chëles che sauta gën da mont su: l Dolomites Saslong Half Marathon. Sun la trassa de 21 chilometri ntëur Saslonch y Sasplat àl fat pea na gran cumpëida de atlec y atletes da 32 paejes sëura dut l mond. La 600 chertes per pudëi fé pea fova bele n grum de dis dan la garejeda dutes vendudes ora.

Nchinamei doi atletes de Gherdëina ie ruvedes sun l podest pra l’ëiles. Na beliscima prestazion à fat Martina Cumerlato. Ëila ie stata bona de vëncer chësta edizion dla mesa maratona ntëur a Saslonch y Sasplat, ruvan tl travert te 1:55.10. Segonda ie ruveda Annika Seefeld di Paejes Tudësc te 01:59.52 y terza Nora Goller di Gherdëina Runners te 02:07.02. 

Pra i ëi ie Alex Oberbacher de Urtijëi ruvà coche prim tl travert deberieda cun Andrea Prandi.

Elisabeth Kostner

L articul ntier tla edizion nueva de La Usc di Ladins de n vënderdi ai 12 de juni.