La Usc di Ladins

Elmar Castlunger é gnü proponü dala Junta provinziala sciöche espert de gestiun aministrativa, Giorgio Costabiei da ombolt metü da pert di comuns ladins te Südtirol y Monika Senoner sciöche rapresentanta dl ciamp de formaziun y cultura ladina.
Le Consëi d’Istitut é en ciaria trëi alalungia, spo pól gní renové o confermé por d’atri trëi agn. Do trëi legislatöres röiel ite porsones nöies.
L’assessur ladin y vizepresidënt dla Junta provinziala Daniel Alfreider alza fora la funziun y importanza de chësc grëmo: "Le Consëi aprovëia le program d’ativité plurienal, le bilanz d’investimënc y sotescrësc contrac y colaboraziuns." Le Consëi litëia te so intern le presidënt o la presidënta. Al nominëia ince la comisciun culturala y mët les priorités por i proiec.
Chisc agn ê le Consëi d’Istitut metü adöm da Erika Castlunger (presidënta), Roland Demetz (ombolt) y Heinrich Videsott (rapresentant de scora y cultura ladina).
Al é tradiziun che le/la rapresentant/a di comuns se barata jö a rotaziun danter Gherdëna y la Val Badia.
N te’ "gentlemen's agreement" podess ince valëi por le scagn da presidënt/a, che podess inant ti gní surandé ala Val Badia, canche la direziun é gherdëna.  (Iaco Rigo)