La Usc di Ladins

Trei apuntamenc de corsa sa mont de aut livel chesta fin de setemèna te Fascia con la DoloMyths Run. Chest’outa la dates é states antizipèdes respet a cheles staboles di egn dant, donca ai 12 e 13 de messèl. Chel che che no muda enveze l é la garejèdes: apede a la verscion Sky, che é ruèda a sia 27^ edizion, con passaje sun Sforcela Pordoi, Piz Boè e ju per la Val Lasties, dal an passà l é en program ence la trail sui 42 chilometres che passa japede la Marmolèda, sun Pordoi, Sela e Rodela e no mencia nience la endesfida junior sui 12 chilometres con partenza da Cianacei e travert sun Fedaa.

N event de gran rechiam e fascinazion sot l ciapel de la sozietà Gregn Evenc de Fascia e col coordenament del president Diego Salvador. »La dezijion de antizipèr l event é stata touta demò per costions logistiches percheche i atlec posse garejèr te la mior condizions – à dit Salvador - e i posse goder de nesc teritorie ence dant e do la garejèdes, per no ruèr tel massa pien de la sajon da d’istà«.

Ence chest an i scric ite é beleche 900 da 20 nazions, de chisc 613 fèsc la Sky de la domenia, 203 chela de 42 chilometres e 68 chela de 12 km, duta does la sabeda.«

Se pel lejer de più su La Usc stampèda de en vender ai 11 de messèl, che se pel troèr ence te la boteighes de sfoes de la valèdes ladines.  (MCI)