La Usc di Ladins

»Chi che va più en aut, più dalonc l veit; chi che veit più dalonc, più al lonch l se ensomea«. Se verc con chesta cognosciuda frase del alpinist e esplorador Walter Bonatti la 16^ edizion de la rassegna Ispirazions d’istà 2025. ‘Jir en aut’ a na vida più metaforica simbolisea l passèr via i ostacoi, tor su de neva cognoscenzes e arjonjer de neves obietives. Te n contest più religious ‘jir en aut’ pel tor su n segnificat spiritual, jir do n troi de ispirazion e de iluminazion – vegn scrit te la prejentazion de la rassegna. I evenc de chesta neva edizion pel esser vedui donca desche n envit a jir en aut per poder arjonjer pontes più autes da olache se pel mirèr n paesaje più gran e, coscita, l entener miec. 
L envit de la Comiscion per la cultura de la parochies de Fascia, vidèda da Cesare Bernard, l é donca chel de se lascèr ispirèr da nef evenc che met dant argomenc e temes de atualità e de spessor leé al aspet religious, endrezé col didamenc di Comitac parochiai, di Comuns, l’ApT e l sostegn de la Diozesa de Trent.
Se ponta via en mercol ai 16 de messèl da les 9 da sera te gejia de Ciampedel olache Emanuele Curzel, professor de Storia del Cristianeisem, ensema al enrescidor de storia locala Cesare Bernard rejonarà en ocajion di egn 500 di lurieres del 1525 de la gejia de Ciampedel.

Se pel lejer dut su La Usc nr 26 dai 11 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (MCI)