La Usc di Ladins

L é n argoment de gran emportanza e de gran atualità, chel di mudamenc climatics e de si efec su la tera, l ambient e la biodesvalivanza. N argoment che en sabeda sera te sala del Consei de Comun de Sèn Jan l é stat portà dant per endrez del Grop da mont Cai Sat de la Val de sot a na vida particolèda e percacenta, col geologh e espert di mudamenc de la tera Michele Sofisti, l scritor Giuliano Compagno e l fotograf Alessandro Gruzza.
Na bona pissèda chela de enterzèr i dac, de spes dramatics, con la fotografies che ne recorda la beleza e l’emportanza de la natura, e anterite ence reflescions, scric leterères e poetics per sporjer stimoi de reflescion.
Sofisti à rejonà de la biodesvalivanza desche de n sistem coordenà e pissà delvers, desche na sort de casseta di èrc, olache vigniun à sia funzion e se l vegn a mencèr dut l sistem pel n ressentir. N sistem che jissa inant benon, se no fossa l om a l straoujer.

Se pel lejer dut su La Usc nr 26 dai 11 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Lucia Gross)