La Usc di Ladins

L ert dl turné ie perdrët n ert che ova na gran tradizion te nosta valeda. »Andreas ie n descendënt de chësta tradizion«, à dit la storica d’ert Danila Serafini te si laudatio ala prima mostra de Andreas Senoner da La Sëlva. La giaurida ie stata n vënderdi dl’ena passeda tl Tublà da Nives te Sëlva. Tla mostra dal titul »Formes y culëures« iel da udëi na gran vela de pec turnei da Andreas ti ultims doi ani: copes, scudeles, buchei, vases ... L se trata dut de pec cun culëures naturei, che tira datrai plu sun l blanch, datrai plu sun l fosch y datrai semei belau d’or. Pra uni pez ie l prim artist la natura nstëssa, la gran variazion de sortes de lën, de vëtes y de formes, che Andreas Senoner cëla de valorisé te uni pez.

Elisabeth Kostner

L articul tla edizion atuela de La Usc di Ladins.