La Usc di Ladins

Enstadì te la bela sala Depero de la Provinzia autonoma de Trent l’é stat la zerimonia de premiazion di joegn schiadores de la Guardia de Finanza de Pardac che se à metù al luster a livel internazionèl te l’ultima sajon agonistica.

A la zerimonia, apede al president de la PAT Maurizio Fugatti e al Comandant del Zenter Sportif General de Brigata Flavio Aniello à tout pèrt desvaliva autoritèdes, raprejentanc de la Guardia de Finanza e referenc del Comitat per i Jeghes Olimpics Milan-Cortina 2026.

Sie joegn é stac premié per esser stac bogn de se meter al luster a livel internazionèl ence te na sajon dassen senestra, con pecia garejèdes condizionèdes da la limitazions sanitères, che ampò no les à ferà la gaissa e la determinazion de chisc joegn.

Anter i atlec che se à vadagnà l recognosciment, la sodesfazion maora per Fascia vegn da  doi Arlieves Finanzieres: Alessandro Chiocchetti Pelin da Moena, che à vent la medaa de bron te la stafeta 4x5 ai Mondièi Junior de paslonch a Vuokatti te la Finlandia e Iacopo Bortolas del grop de combinazion nordica del Ski College de Fascia, che à concostà la medaa de bron te la stafeta HS100/4x3,75 km semper te la Finlandia, a Lahti.

De più su La Usc stampèda de vender ai 14 de mé.  (LG)