N raion biologich per l Trentin

Data

21 de setember 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domenia ai 26 de setember i sentadins é envié a tor pèrt al referendum per domanèr l’istituzion del raion biologich tel teritorie agricol de la provinzia. Ence la Neva UAL engaissa a jir e a litèr »EI«.

En domenia ai 26 de setember duc i sentadines del Trentin da amancol un an pel jir te sie Comun da les 6 da domen fin les 10 da sera con la tessera litèla per dir de scì o de no a l’istituzion tel Trentin del raion biologich.

L besegn che vegne metù su n raion biologich tel Trentin vegn sostegnù da passa 30 sociazions. Anter chestes l é  inomes cognosciui a livel internazionèl o nazionèl desche WWF, Greenpeace, Italia Nostra o Slow Food, autres più vejines desche Transdolomites, gropes de compra solidala e a »filiera curta« e produtores locai desche Terre Altre o la sociazion di arlevadores de eves de Fiem e Fascia e ence la Neva UAL engaissa a votèr »EI«

Aldò de sie prinzipies de stravardament e conservazion del ambient, de la biodesvalivanza e de la sanità, la Neva UAL engaissa a votèr EI, per  empegnèr la Provinzia Autonoma de Trent a disciplinèr l’istituzion, sun dut l teritorie agricol provinzièl, de n raion biologich per sostegnir la coltivazion, l arlevament, la trasformazion, l enjignament de la magnadiva e chel agro-industrièl di prodoc agricoi mascimamenter a na vida biologica. 

Per mudèr l mond che volon ge lascèr a la generazions che vegn – disc la Neva UAL - scomenzon da noscia tera!

De più su La Usc stampèda de vender ai 17 de setember.


 (lg)

Galaria retrac