La Usc di Ladins

Col prum de otober, do 33 egn de lurier a La Usc di Ladins, Lucia Gross é jita en penscion. Descheche aane jà scrit ence tel comentar su La Usc nr 33 l é persone che canche le lascia n post de lurier no le lascia demò na cariega, n pult e n computer. Le lascia n toch de storia. E amò de più se te chel post le é state per gran part de soa vita profescionala. Lucia l é stat n pont de referiment emportant per La Usc di Ladins te Fascia, caporedadora per duc chisc egn, l’à didà a crescer e a profescionalisar l sfoi e i joegn e le joene che à volù far n toch de strada tel mond del giornalism ladin.

Col prum de otober tu es jita en penscion. Che aste proà canche i te à dat la data segura?
Cogne dir che son stata contenta, magari a jir inant vegn fora mingol de encresciujum, ma a la dir duta ere mingol stenciada ence per via de n auter empegn che me aee metù dant con l’Union di Ladins de Fascia. Proprio per chest e per passar le consegne jà da un an ge aee passà l coordenament a Monica Cigolla che oramai ence ela la é da 30 egn te La Usc e l era giust e ben fat che se enjigne chest passaje.

L'intervista entria te La Usc stampèda de en vender ai 2 de otober del 2026.