La Usc di Ladins

L’ampezèna Stefania Constantini, or tel curling a la Olimpiades de Pechino de chest an, la é stata ghesta ensema a la atletes de cèsa Caterina Carpano e Chiara Mazzel con Fabrizio Casal del quarto apuntament de la rassegna Canazei Campo Base. La sera se à dejout en jebia ai 11 de aost, te sala conferenzes del Chino Marmolèda.

Ghesć, ma soraldut tropa jent da chiò, à podù aprijièr la testimonianzes portèdes dant da man de la trei joenes, che no l é demò trei atletes olimpioniches, ma trei ladines che à portà la Ladinia tel event sportif più emportant del mondo. Su chest bel pensier se à avert la scontrèda, e col grignot stolz de Carpano che à trat fora l tricolor, bensegur chel ladin!

La sera é stata moderèda dai giornalisć Elisa Salvi e Giorgio Pedron, che dassen l se à sentù ‘de cèsa’ rejonan de sport. Stefania Constantini, enterzèda da sia domanes tecniches, l’à rejonà belimpont de sia disciplina: coche se jia a curling, de sie compagn Amos Mosaner e de coche n or olimpich ge abie mudà la vita.

De più su La Usc stampèda de vender ai 19 de aost.  (Nicoletta Riz)