La Usc di Ladins

La Comiscion dla Union Europeica met inant a desposizion de joenes y joegn per i 18 agn n "ticket Interrail" debant. Te n meis zirca vegniral indò daurì la lizita per tò pert a chest concurs: ai 11 de otober 2022, da les 12:00 plu avisa. En chest ann 2022 él l’Ann dla Joneza y la UE vuel dé n segnal cler per la daurida de joenes y jogn adincontra a l’Europa.
Aste 18 agn y abiteies te n Stat dla UE o te n Stat che tol pert al program Erasmus+? Spo él ora da imparé da conesce l'Europa tres l program DiscoverUE!
Dal start de chest program encà (dl 2018) à passa 165.000 persones joenes pié do n travel-pass debant. La proscima lizita é tosc chilò, ala và dai 11-10 ai 25-10-2022. Per tò pert a chesta azion y promozion é les joenes y joegn nascius anter l 1 de jené 2004 y 31 de dezember 2004, se iscriv les joenes y joegn con cherta de identité al portal dla eu (europa.eu/youth/discovereu)
Cheles y chi che vegn cernus te chesta edizion pò ester sun l viade anter l 1 de merz 2023 y 29 de fauré 2024, enchin a 30 dis alalongia.

foto:
L logo dl Ann dla Joneza d'Europa