La Usc di Ladins

Ence chest an, descheche l era jà stat del 2025, l'APSP de Fascia, adum con l Comun General – Spazio Argento, endreza na lingia de cater scontrèdes de aprofondiment con la dotora Paola Maria Taufer, psicologa e psicoterapeuta che colaborea con desvaliva strutures per la jent de età del Trentin, ence chela de Fascia.

Chesta cater scontrèdes, che vegnarà metudes a jir te la Cèsa de Paussa de Fascia, les fèsc pèrt de la azions del Pian de trei egn per l svilup de na Comunanza amica de la persones con demenza e l é n vèrech per la sensibilisazion de Fascia sun n argoment che tolarà ite semper de più la comunanza, ajache l é semper maor l numer de persones che padesc de na forma demenza, descheche à sotrissà l'Organisazion Mondièla de la Sanità.
Te la pruma scontrèda, en program en mèrtesc ai 22 de setember, se jirà ite sun che che vel dir per na persona grana anchecondì se confrontèr con una de età che padesc de demenza. Vigni scontrèda é de domesdì, da les 5 fin mesa les 7 e la partezipazion é ledia. Dutes se serarà su con n picol marendel enjignà da la Coprativa Oltre, per aer l gust de stèr amò mingol ensema.


Podede lejer dut su La Usc stampèda de vender ai 18 de setember da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (CT)