La Usc di Ladins

Diego Clara é bën en müs che trec conesciará. En valgügn por la conduziun de trasmisciuns tla televijiun, d’atri por la moderaziun de mëses torones, ciamó d’atri por la introduziun a serades o conzerc. Na bona pert dai media á endere albü da fá empara desco capo dal ofize stampa de Dolomiti Superski. Na enciaria che al á corí tai ultimi 17 agn. Y con döt che Diego ará belo scrit cionc y milesc de articui y comunicac, ál ai 18 de setëmber mené fora na mail co podess ti avëi dé da stumblé ince a d’ël. Na mail con chëra che al á lascé alessëi che söa aventöra pa Dolomiti Superski jea a piz. Söes parores: "Do passa 17 agn él gnü por me le momont da oje plata y da ciapé te na fasa nea de mia vita. Al é sté agn intensifs, ric de esperionzes, encuntades y sodesfaziuns, te chi che i á albü le plajëi da colaboraé con trec de os y da costruí, tal tomp, raporc profescionai y personai che i mo tignará con gran plajëi". La rajun ne stá nia te na müdaziun profescionala, t’en orientamont nö, mo tla dezijiun y tal debojügn da i dé plü lerch ala familia, te na situaziun particolara. Con Diego Clara ánse orü ciaré zoruch a chisc 17 agn: ales sodesfaziuns, ales müdaziuns, ai valurs co romagn.

La intervista empara ciafëise t’La Usc di Ladins dai 25 de setëmber  (Intervista: Pablo Palfrader)