Sellaronda Bike Day cun la nëi
La nëi tomada de nöt sön crëps y jus á fat da cornisc ala 16ejima ediziun dl Sellaronda Bike Day, mo n'á nia sprigoré deplü ziclisć che é piá ia da doman, cun temperatöres scialdi frëides, por desfiré la roda dl Sela
En sabeda ai 17 de setëmber él sté le secundo Sellaronda Bike Day dl 2022, rové a süa 16ejima ediziun. N frunt frëit á porté nëi sön i crëps y sön i jus dles Dolomites y da doman él gnü desconsié da tó pert ala manifestaziun. Mo impó é n valgügn ziclisć piá ia, cun le termometer che signâ ma 5 degrá, por pedalé tres i jus de Frara, Sela, Pordú y Ciaulunch, che é gnüs stlüc al trafich motorisé cina les cater domisdé. Ia por le de á le sorëdl dlighé la nëi y ara é jüda da desfiré la manifestaziun che n'á, por via dles condiziuns dl tëmp, nia albü tan de partezipanc sciöche an s'ess aodé. Por n ater ann, le 2023, é i terminns bele gnüs fac fora. Les proscimes ediziuns dl Sellaronda Bike Day sará ai 10 de jügn y ai 16 de setëmber. (kp)
Galaria retrac
View the embedded image gallery online at:
https://www.lausc.it/atualite/21004-sellaronda-bike-day-cun-la-nei#sigProId31879f6892
https://www.lausc.it/atualite/21004-sellaronda-bike-day-cun-la-nei#sigProId31879f6892