La Scora ladina y i 50 agn dl Secunt Statut de autonomia

Data

24 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En mercui, ai 14 de setëmber a Santa Cristina, y en jöbia, ai 15 a San Martin de Tor, él gnü presenté n pice sföi metü adöm y dé fora dala Intendënza y Cultura ladina, en gaujiun di festejamënc por i 50 agn dl Secunt Statut de autonomia
La picia publicaziun cöi adöm les normes prinzipales che stá a fondamënt dl sistem paritetich dla scora ladina, y ponsada éra gnüda dantadöt por insegnantes y insegnanc, studëntes y studënc, y ince le rest dla popolaziun dess podëi lí i tröc dërc che ti speta ai Ladins, deache forsc ne ési nia conesciüs assá, y an ne se impënsa nia coche y de canche chisc dërc ti é gnüs reconesciüs al grup linguistich ladin. Le codejel ó insciö recordé le tru che i ladins de Südtirol á podü fá te chisc ultimi 50 agn, por mirit di 115 articui dl Secunt Statut de autonomia y a sües 80 normes de atuaziun, dandadüt por ci che reverda le sistem scolastich. 

Deache la scora ladina da incö, sciöche l’assessur provinzial ala cultura y scora ladina Daniel Alfreider á recordé te so intervënt, é le früt de vijiuns y de aziuns che é gnüdes a s’l dé tl tëmp, de idees y impëgn che á ciafé reconescimënt, forza y legitimaziun tles leges dl Statut de autonomia y tles normes de atuaziun che é gnüdes aproades daimproia.

Deplü da lí do y odëi él tla ediziun nöia de La Usc di Ladins!