La Usc di Ladins

Cinch dis de lurier é servii per zipièr la operes de la 7^ edizion del Simposie Toni Gross, che se à dejout dai 14 ai 18 de setember a Sèn Jan. Ti piac de Poza e de Vich studenc, professores e artisć à lurà fora na tematica segur de gran atualità »Overtourism: turism de massa?«. A cef del endrez l é stat la Scola Ladina de Fascia con l’Union di Ladins de Fascia e l Comun de Sèn Jan. Apede ai artisć Giar Lunghi e Sara Andrich, l é stat envià n bel numer de students: con chi del Liceo artistich de Fascia, l era l Liceo Artistich G. Sello da Udin, l Liceo de la Èrts de Trent e Rorei Vittoria-Bonporti-Depero, l liceo Artistich Pascoli de Busan e l Lizeum d’ert Cademia de Ortijei.
En vender dadoman te Liceo artistich de Fascia se à dejout l finissage te chel che l é stat portà dant la operes fates via per la setemèna.

Dut l articol su La Usc stampèda de en vender ai 25 de setember del 2026.  (Nicoletta Riz)