La Usc di Ladins

L dat de maor emportanza te Fascia l é ben segur la conferma de la Senatora Elena Testor, litèda tel Colege de Perjen te la coalizion de Zenter dreta che tol ite Fratelli d’Italia, Lega e Forza Italia. Te dut l Colege, Testor à arjont l 44% de la stimes e te Fascia la é ruèda beleche al 60%, smaoran l consens del Zenter Dreta te val de zirca 4 ponc e mez (te la litazions di 4 de mèrz 2018 l aea arjont l 55%).

L ejit mior per la coalizion che à candidà Elena Testor no l é ruà aboncont te sia val, ma te la Val dei Mocheni: a Fierozzo/Vlarotz l’à arjont beleche l 68% e ence a Frassilongo/Garait l’à passà via l 67%.

Curious che enveze proprio te l’autra mendranza linguistica germanofona del Trentin, chela cimbra de Luserna, troon alincontra l pior resultat de dut l colege per Elena Testor (32,06%) e l mior per l Zenter Cencia de Michele Sartori (45,04%). 

De più su La Usc stampèda de vender ai 30 de setember, olache l é ence la tabeles coi resultac comun per comun e l'intervista a Elena Testor.  (Lucia Gross)