Rejone de Alessandro Chiocchetti del Lere, ladin da Moena, che jà più che n’outa aon domanà fora per La Usc di Ladins. Tel fin de setemana passà l é ruà dotrei dis te sie paisc e aon podù se fèr contèr vèlch de più de sia nomina emportanta e de la endesfides che l à dedant. L ne à responet ben segur per ladin da Moena, che el conscidra sie prum lengaz e che l rejona zis delvers, apede a talian, ingleis, franzous, todesch e spagnol.
Voscia neva encèria la é de
View the embedded image gallery online at:
https://www.lausc.it/atualite/21157-alessandro-chiocchetti-sunsom-l-parlament-european#sigProId530e9b95a8
https://www.lausc.it/atualite/21157-alessandro-chiocchetti-sunsom-l-parlament-european#sigProId530e9b95a8
Alessandro Chiocchetti Ei, l é vera, l é na encèria emportanta. L secretar general l é l capo de l’aministrazion del Parlament, donca l cogn diriger e endrezar via 7000 dependenc, vardar sora la gestion de n bilanz de 2 milianc e 400 miliogn e de passa 1 milion de metres quadrac de ofizies, spartii te le trei sente de Strasbourg, Luxembourg e Bruxelles, più i vari ofizies te desvalive capitale europeane. E chesta l é demò la part aministrativa, dapodò l é la part più leada al Parlament, perché l Secretar general l cogn assister l President, te chest cajo la Presidenta, te dute soe atività, canche la rec la Plenaria, la Conferenza di Presidenc donca di capi di gropes politiches, l Bureau che l é i 14 Vizepresidenc e anter l auter l é ence chi che me à lità me. L é doi setores e giö crese che i me aesse cernù apontin percheche te mio percors profescional ere l sol con na bona competenza te duc doi. Cogne ence dir che deventar Secretar general no fosse nience stat proprio mio obietif, ma a cheste enciarie no se pol dir de no. No sarà egn sorii...
Podede lejer duta l'intervista su La Usc stampèda de vender ai 30 de setember. (Lucia Gross)
