Ence da Fascia l é pontà demez doi gropes de socors de Studafech, na squadra tecnica per la metes e la egajons e na squadra de socors te l’èga. L ispetor Alessandro Pellegrin ne à dit che un grop con 8 persones, 2 per ogne Corp da Vich, Poza, Ciampedel e Cianacei, é jà jit ju en lunesc da doman bonora per portèr socors a Modigliana. N auter grop enveze, spezialisà per l socors te l’èga, con en dut 6 omegn (1 da Soraga, 1 da Vich, 1 da Poza, 1 da Ciampedel e 2 da Cianacei) é pontà demez en mèrtesc da doman per jir a portèr
View the embedded image gallery online at:
https://www.lausc.it/atualite/23680-da-fascia-doi-gropes-de-socors-te-l-emilia-romagna#sigProId2e5f389980
https://www.lausc.it/atualite/23680-da-fascia-doi-gropes-de-socors-te-l-emilia-romagna#sigProId2e5f389980
»I omegn angern à jà portà a salvament na trentina de persone fora da l’aga – à dit l ispetor Pellegrin – col didament ence di jolieres. I é jic ju col gomon e la massaria per l socors te l’aga en dotazion del grop distretual che vegn tegnù te caserma de Soraga e en più se aon fat emprestar n gomon da ot persone da Avisio Rafting ajache chel nosc l é picol e no l é adatà per jir te le aghe basse. L é pece persone formade per l socors te l’aga, en dut tel Trentin n é na sessantina, no l é recambie de jent e donca no saon tant che i cognarà star ju. Enveze chel auter grop che deida a Modigliana fazile chesta sera o doman bonora l vegn en su percheche chel che i podea far con le art che i se à tout do i à fat. Ades se trata de lurieres gregn, se cogn entervegnir con mesi adaté per meter a post le infrastruture: l é sutà dute le condote de l’aga, l é vegnù ju trei ponc, l é strade da meter a post. Fajon fadia a i contatar e a aer informazion percheche l é sutà le linee del telefon. Nesc omegn laora ensema a le squadre de Fiem, Primier e Tesin, i ge à didà a la jent a meter a post dut chel che l era meso e parar fora l’aga da le ciase. Ju te la piana enveze l é più senester, l’aga la resta aló, no la se n va. En dut chisc dis l à fat ju 300 mm de pievia e con chela che l era vegnù la pruma outa i disc che l n à fat 570 mm, na cantità de aga che no se pel nience se fegurar.«
L Comandant di Studafech da Soraga Mauro Crepaz à jontà apede l valor de aer n grop distretual formà tel socors te l’èga con en dotazion la massaria aldò. »Sion stac bogn de meter ensema 6 omegn proprio percheche luron a livel de distret e chesta l é la proa che la colaborazion é n muie emportanta.« (Monica Cigolla)