La era stata anunzièda jà da n trat e ades la é ofizièla. Ai 25 de mé l é stat sotescrit l at costituif de la neva ‘Sozietà Gregn Evenc de Fascia’. L’Apt col 48% de la quotes, i Consorzies de impianc portamont Val de Fascia-Ciareja e Lujia-Sèn Pelegrin col 21,50% per om de la quotes, i Comitac DoloMyths Run, Sellaronda Ski Marathon e Fascia Bike col 3% per om: chisc l é i componenc de la neva sozietà che vegnarà vidèda da Andrea Weiss che per 25 egn l é stat diretor de l’Apt e donca l cognosc benon l setor di gregn evenc.
Diretor operatif l é stat nominà Cristoforo Debertol, che à ciapà dut l sostegn de l’Apt, e che l vegnarà didà fora ence da personal aministratif e de segreteria de la sozietà per l turism de Fascia. Apede a el l é stat lità l vize president Gianni Rasom, nominà da Val de Fascia-Ciareja e Renzo Minella per Lujia-Sèn Pelegrin, duc doi i consorzies coscita palesa sie sostegn ai gregn evenc per la val. Amò tel diretif l é William Basilico per Fascia Bike, Diego Salvador president del Comitat DoloMyths Run e Oswald Santin president del Comitat Sellaronda Skimarathon. Tel statut de la neva sozietà l é pervedù ence che fae pèrt del diretif n raprejentant di trei schi club: Ski Team Fascia, FassActive e Monti Pallidi che tolarà su l 3% de quotes che ades é di doi Consorzies de impianc portamont.
De più su La Usc stampèda de jebia prum de jugn. (MCI)
L é nasciù la neva ‘Sozietà Gregn Evenc de Fascia’
La se cruziarà di gregn evenc de la val. La é vidèda dal president Andrea Weiss e dal diretor operatif Cristoforo Debertol.
Galaria retrac
View the embedded image gallery online at:
https://www.lausc.it/atualite/23817-l-e-nasciu-la-neva-sozieta-gregn-evenc-de-fascia#sigProId71fb275182
https://www.lausc.it/atualite/23817-l-e-nasciu-la-neva-sozieta-gregn-evenc-de-fascia#sigProId71fb275182