La Usc di Ladins

Envers coluna richeza sione do a jir? Él possibol pissèr a na economia più umana, più giusta e più sostegnibola che mete al zenter la persona?

L é stat valguna de la domanes che en mèrtesc ai 18 de messèl l professor Cesare Bernard ge à fat ai doi reladores de la seconda scontrèda de la rassegna de Ispirazions d’istà: l Piscop de Trent Lauro Tisi e l imprenditor trentin Matteo Lunelli.

Cesare Bernard se à enjignà e l é stat n muie ascort te sia moderazion a jir a cherir la vijions de doi persones che vegn da doi mondi desferenc: l om de gejia, l aut esponent de ideèi e valores etiches leé al cristianeisem e l homo oeconomicus, te sia verscion più positiva, che cogn vardèr dant da dut al tornacont de sia impresa.

»Demò acà vèlch an meter ensema economia e umaneisem no fossa stat nience da pissèr – à dit l Piscop Lauro – ma veder aldidanché che chi che fèsc impresa se met dantfora l conzet de bel, de sostegnibilità, de umaneisem e de colaborazion, ne fèsc veder n mond più bel. Se pel fèr economia con la jent, vardan a l’umanità e col creèr raporc, relazions e comunicazion.«

De più su La Usc stampèda de vender ai 21 de messèl.  (Monica Cigolla)