de Elisabeth Kostner
Tan de iedesc es’a menà su la mujiga ntan che te furnoves cun l auto, ciantan pea sciche sce te fosses a n gran cunzert? Te ie pa datrai regors ju na legrima per la massela, canche te es audì na ciantia che te ie jita tan sot, che la te strenjova l cuer? Te lecordes’a mo la usc fina de ti oma che te nanova tl suenn? Y ne n’esa mo mei ciantà te bani tan adaut che n te audiva nchin sun streda?
La mujiga ne n’àuden nia mé cun la urëdles, ma n la sënt cun dut l corp. Ce pensier perdrët da stufé, l on pu bele scrit y liet tan de iedesc, ma mpo, ulove l scrì mo n iede. L Ladiniatour ie stat chësc per mé: na sëira de gran emuzions y legrëza per la mujiga dal vif ladina.
Deplù te la edizion dl vender, 29 de setember.
Comentar de pruma
Data
29 de setember 2023
Grandeza scritura
Social
Mujiga àuden cun la pel
