La Usc di Ladins

Dai 29 de agost ai 5 de setëmber iel stat i Campiunac taliani dla junëza a Cagliari. Tla categuria sot ai 12 ani tucova Leonard Vozhzhov pra i favoric. Canche n juega per l podest, bàstel puech per tumé ora. Tla otava partida à Leonard ancuntà l favorit dl turnoi, l trentin Tommaso Loberti. Purtruep àl perdù melamënter chësta partida. Ma l fova nce l’unica che ël à messù dé via. Ala fin à i 7 ponc sun 9 “mé” bastà per l otaf plazamënt. Chësta prestazion ti à purtà a Leonard na bela soma de +44 ponc Elo.
La lia dal Scioh Gherdëina ti fej n gran cumplimënt per chësc resultat scialdi bon. N vëija che l gran mpëni y i alenamënc cun l trainadëur Josko Mukic se à paià.
Te si storia à la LSG fat 12 plazamënc sun l podest pra chisc Campiunac. I ultims doi fova l prim post de Niccoló dan doi ani tl under 18 y l ann passà tl under 20.

Per la Lia Scioh Gherdëina, Manuel Perathoner

Di bon resultac de chëi de Gherdëina pra mo d'autri turnoies repurtons te n articul tla edizion atuela de La Usc di Ladins.