L Portal Ladin ie n proiet che la Union di Ladins de Gherdëina à te ciauzela bele da giut incà. La presi- dënta Sofia Stuflesser à pudù prejenté l Portal dan na grupa de reprejentanc y reprejentantes de istituzions ladines n merdi de chëst'ena tla Cësa di Ladins a Urtijëi. La prejentazion ufiziela sarà ala fin d'agost.
La presidënta dla ULG à spiegà coche l'idea sibe nasciuda dala cunseliera dla ULG Isabella Mussner, cun l pensier che l fova mpue rie y cumplicà abiné cuntenuc per ladin, coche mé per dì cianties, tesć o stories per la scola o da ti liejer dant ai mutons y ala mutans dan jì a durmì, per fé n doi ejëmpli. Ma per chël che reverda i cuntenuc per ladin ie dut mpue sparpanià ora, y nsci àn ulù crië na plataforma unificheda.
Deplù tl articul tla edizion nueva de La Usc di Ladins de ncuei vënderdi ai 17 de mei.
Bruno Maruca
L Portal Ladin ie for plu daujin
Na luegia zentrela per abiné cuntenuc per ladin: cianties, stories, tesć, teatri, autëures y liams a d'autra istituzions y servijes online. N proiet dla Union di Ladins de Gherdëina per duta la Ladinia. Ala fin d'agost saràl la prejentazion ufiziela
Galaria retrac
View the embedded image gallery online at:
https://www.lausc.it/atualite/27165-l-portal-ladin-ie-for-plu-daujin#sigProId37dd8b19db
https://www.lausc.it/atualite/27165-l-portal-ladin-ie-for-plu-daujin#sigProId37dd8b19db