La Usc di Ladins

Pra na cunferënza stampa che ie stata l’ena passeda a Bulsan, se à abinà de plu reprejentanc dla lies de scunanza per l ambient y da mont, per prejenté n pruiet, laurà ora a puntin, per slargë ora l monumënt naturel dla Zità di Sasc. La Lia per Natura y Usanzes nes à mandà n comunicat stampa n con’ de chësc, ulache n à scrit: »Chësc dëssa vester n var per stavardé l raion ntëur al Jëuf de Sela, che ie bele nscila tan manacià. La Zità di Sasc ie n raion de marueia, caraterisà da de gran salandrons che se ërsc su sot ai piesc dl Saslonch. Chësta cuntreda, che ie unida a s’l dé do na smueia preistorica, ie una dla furmazions dolomitiches plu staurdineres. Scebën che l raion de salandrons mpunënc tol ite 115 hectares, iel mé mpue de manco dla terza pert sot a scunanza. »L ne n’ie nia da capì che n raion da n tel valor naturel ne sibe mo nia dut sot a scunanza coche monumënt naturel«, à criticà i reprejentanc dla lies da mont y de scunanza: »Cun la dumanda che n à dat ju ai ufizes per la natura, per la cuntreda y per l svilup dla cuntredes dëssen śën fé chël che n se à nchinamò arjumà«.

Dut l articul pudëis liejer tla edizion nueva de La Usc che vën ora chësc vënderdi ai 11 de auril.