La Usc di Ladins

Gran sodesfazion per la Mèlga de Fascia, che en mercol ai 4 de jugn l’à chiamà ite sia radunanza per l’aproazion del bilanz e l renovament de la encèries del Consei che jia fora, più avisa cheles del Conseier Alberto Pederiva e del president Luigi Deluca.
L bilanz, prejentà da la dotora Roberta Girardi de la Federazion Trentina de la Copratives di bachegn, moscia n valor dat ai sozi de 1.990.056 euro, che vel dir che mediamenter (aldò di ponts concosté da vigniun) ogne sozio ciapa 74 centeisemes al chilo, che fossa zirca 76 centeisemes al litro.
Luigi Deluca, president de la Mèlga dal 2016, l à dit che l é l bilanz mior che semper, che permet de ge fèr front a vèlch speisa no perveduda e ence de fèr investimenc. L president à dit che canche l à ciapà te man l temon, la Mèlga de Fascia l’aea passa 3 milions e 400.000 euro de debita e 2 milions e 200 mile de faturat, ades se é rué vejin ai 4 milions de euro de faturat e l é amò 1 milion e 900 mile euro de debites.

Se pel lejer dut su La Usc nr 22 dai 13 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Lucia Gross)