La Usc di Ladins

Tla bela sala Depero dl Palaz dla Provinzia de Trent é vegnù sourandé en juebia ai 12 de jugn i atestac de merit dl »Glanzleistung - Prestazione d'eccellenza per il volontariato giovanile«. Chest pest vegn metù a jì vigni an da les Provinzies autonomes de Trent y de Bulsan y dal Land Tirol per premié i joegn che se à dé ju con ejic ezelenc tl volontariat y al à l obietif de valorisé l impegn tla comunanza ti raions dl’Euregio.
L pest é vegnù sourandé chest an a 20 ic y eles sot i 35 agn y a 5 projec dles assoziazions di trei teritores (Trentin, Südtirol y Land Tirol) che à daidé pro a fé cresce l volontariat anter i joegn. La zerimonia à auzé fora l valour di ladins, ajache anter i 5 projec premiés 3 fova de realtés dles valedes ladines: la Coprativa soziela Inout de Fascia per la realisazion del Circen Dolomites Festival, la grupa Nëus Jëuni Gherdëina y l Sorvij ai Jogn dla Val Badia.

Deplu su La Usc stampeda de vender ai 20 de jugn.

 (LG)