La Usc di Ladins

Te chest ultim temp l é vegnù fora de spes l argoment de la mencianza de pruma cèsa e del maraut de cartieres che resta vec e che podessa vegnir destiné a families del post che stenta a n troèr. La costion del derit a aer na cèsa l é doventà una de la proritèdes che la neva aministrazion del Comun General de Fascia à intenzion de se tor a cher.
»Per ge far front a chest fenomen - l à dit l procurador Edoardo Felicetti - l é de besegn de capir miec colugn che l é i besognes reai di enteressé. No podon pianificar l davegnir zenza scoitar chi che cogn e vel se costruir l davegnir chigiò. Le é desvalive le strade che se pol tor ensema ai Comuns e a la Provinzia, ma valch se cogn far. I Comuns no à struture da meter a la leta, le ciase che l é le à cosć massa auc e tante oite no basta aer l teren. Con chesta enrescida se se rendarà cont di besognes che l é, te Comun General metaron su n grop de lurier. L sondaje restarà fora enscin ai 15 de mé«. La enrescida é sul link: https://forms.gle/uJ2jdQr9MrUQvTuG9. Per maor informazions se pel se oujer al Ofize tecnich del Comun General de Fascia al numer de telefon 0462 764500 opz.3 o a la mail tecnico@cgf.tn.it.

L besegn de cèsa te Fascia l doventa an do an semper più grief e più sentù, soraldut anter la generazions più joenes. Troèr cartieres a n priesc da poder se permeter l é dassen rie. 
Su La Usc dai 17 de oril podede lejer ence la testimonianza de Vanessa Winterle, na tousa che da egn chier de meter su cèsa per se fèr na familia con sie morojo.

Podede ciapèr l sfoi te la boteighes de sfoes de la valèdes ladines o tras abonament (info:www.lausc.it/abo o abo e-paper).




 (Monica Cigolla)