La Usc di Ladins

Ence chesta an la FPB Cassa de Fascia, Primier e Belun à volù premièr i studenc meritegoi che fèsc pèrt de la gran familia del istitut de credit. La zerimonia de premiazion chest'outa é stata metuda a jir a Feltre, tel teater 'de la Sena' ai 27 de mèrz e à tout pèrt na sessantina de studenc.
Te la zerimonia de premiazion l president Carlo Vadagnini da Moena à sotrissà che »le scomenzadive desché chesta le raprejenta un di pilastres de noscia atività ajache le respon patoch a la miscion de noscia banca: esser vejign al teritorie e a le persone e sostegnir soraldut i jovegn. Premiar l merit vel dir far n investiment sul davegnir de nosce comunità e valorisar la crescimonia culturala e la partezipazion«.

Anter duc i studenc premié a Feltre n é stat ence 15 fascegn, cinch de chisc se aea vadagnà ence la lauda.

Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (LG)