La Usc di Ladins

Co se pelel se n ascorjer di prumes segnèi de demenza? Él possibol fèr na diagnosa bonoriva? E che desferenza él anter demenza e Alzheimer? L é domanes che se se fèsc canche se taca a veder te na persona de cèsa mudamenc cerc de comportament, canche la taca a se desmentièr la robes o la fèsc azions che dant no la fajea. Per chest l é emportant n rejonèr con i spezialisć e se informèr sun coluna che podessa esser la strategies de prevenzion.
Del 2025 l CiMec (Centro Mente Cervello) de l’Università de Trent, sot la vida del professor Giorgio Fumagalli, enrescidor e clinich, à envià via l projet ‘Ricordare domani: predire la demenza oggi’ per studièr la persones con demenza genetica e chi de cèsa e entener miec la pruma fases de la malatia, i efec cognitives, del cervel e biologics ti malé. Recognoscer i prumes segnèi l é emportant per capir coche va inant la malatia e ruèr a diagnoses adatèdes. L dotor Fumagalli Per portarà dant i prumes resultac de chesta enrescida en vender ai 17 de oril da les 20:30 te sala de Consei de Comun a Ciampedel te na scontrèda endrezèda col sostegn de la sociazion Rencureme, de Spazio Argento del Comun General de Fascia, del Comun e de la Coprativa de paisc.

Podede lejer dut su La Usc dai 17 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (MCI)