La Usc di Ladins

Massimo Bolognini vif a Este tla provinzia de Pèdua, al é pascioné de fotografia y al à svilupé tl temp projec fotografics desvalifs con l obietif de conté stories. Al é scrit ite tla Fiaf (Federazion dles Assoziazions Fotografiches dla Talia), al à arjont ejic de valour te desvalifs concursc fotografics y colaboré con editours per publicazions spezifiches da mont.
Bolognini à svilupé n raport particolar con l raion ladin y danter si projec fotografics é ence l mond ladin dles Dolomites deventé protagonist, con esposizions y mostres realisedes sun chest argoment.
»Trois de Lum« reprejenteia la sintesa de n projet che Bolognini à lauré fora te temps y moments desferenc, y che ne vuel nia mete dant demé contredes, ma al va ite te tematiches liedes a la cultura ladina dla popolazion dles Dolomites. 
Sies fotografies vegnirà metudes fora a Sèn Jan, tla Ciasa dla Moniaria, tla mostra dal titol apontin »Trois de Lum/Sentieri di Luce/Lichtpfade« per endrez dla Union Generela di Ladins dla Dolomites con la colaborazion dla Union di Ladins, l Comun General de Fascia y la Fiaf y l sostegn dla Region Trentin Südtirol. La esposizion vegnirà enaudeda ai 13 de messel tl Dì dla Unité Ladina, metù a jì chest ann te Fascia, apontin a Sèn Jan, y an podarà la vedei fin ai 25 de messel.
I on damané fora Bolognini sun chesta esposizion y sun sie raport con l mond ladin y sia cultura.

Se pel lejer dut su La Usc nr 25 dai 4 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Lucia Gross)