La Usc di Ladins

Anter la cianties che à avert la pruma scontrèda de la rassegna »Canazei Campo Base« l era ence »Hai un amico in me« de Riccardo Cocciante. Sun paladina, un di amisc de Nicolò Zavatta, che de 22 egn l é stat l più jon di 11 morc sun Marmolèda, à sonà la chitara e ciantà per el con sentiment. Belapontin sun envit de la giornalista Elisa Salvi, che rencura duta la lingia de evenc, en domenia ai 6 de messèl te Piaz Marconi l é stat endrezà n talk per recordèr chest burt fat ensema con la sociazion »Un posto in cui tornare«, nasciuda pec dis do da la desgrazia, apontin per recordèr Nicolò.
»La Marmolèda resta n post olà vegnir amò, olache aon duc lascià n toch de cher« à dit Riccardo Franchin, l enjegner vicentin soravivù a la tragedia, che l era en chela dì con Nicolò.

Per recordèr la unesc vitimes sun Marmolèda en jebia ai 3 l era stat ofizià na messa da don Mario Bravin te gejia del Sacro Cher de Gejù e una en sabeda ai 5 de messèl sun Ponta Penìa, che é stata manèda fora ence ló da la utia Castiglioni sun Fedaa.

Se pel lejer dut su La Usc nr 26 dai 11 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Nicoletta Riz)