La Usc di Ladins

Presentaziun dla CD »Picio Bambin«
En domënia ai 7 de dezëmber dales 17:00 él tl Museum Ladin a San Martin la presentaziun dla CD dl trio vocal »Tonalités«
»Picio Bambin« é le titul dla CD nöia, che vëgn presentada chësta domënia ai 7 de dezëm­ber dales 17:00 tl Museum Ladin a San Martin. 
Na scëiba cun 12 cianties fora dal tëmp da Nadé – la maiú pert por ladin, n per por todësch y öna ince por inglesc. Protago­nistes é les ciantarines dl trio vocal »To­nalités d’Al Plan«, cun Anita Obwegs, Sofia Pisching y Ste­fanie Kaneider, acompa­gnades sön stromënc da Philipp Schörghuber y Peter Ewald. 
Dlungia la musiga dles »To­nalités«, sarál ince la moderaziun y tesć de Jasmin Ferdigg.

Na

• 
•  

View the embedded image gallery online at:
https://www.lausc.it/manifestazions-y-evenc/30862-manifestazions-atuales-speziales#sigProId0d720c74ed

lüm sura Betlehem
N conzert d’Advënt particolar, en domënia ai 14 de dezëmber dales 17:00, te dlijia de Badia
I sun ite tl tëmp d’Advënt y ince a Badia s’arjignon ca musicalmënter ala gran festa de Nadé. 
En domënia ai 14 de de­zëm­ber dales 17:00 vëgnel tigní te dlijia dl paisc n con­zert d’Advënt, sot al titul »Na lüm sura Betle­hem«. 
Al cianta y sona le Cor Kerygma cun stru­mentalisć, i Turmbläser de Badia, n cor de mitans dla scora de musiga y Jakob Se­noner cun i orghi da man. La di­reziun é de Bru­no Rives. L’entrada al con­zert é lëdia. Na spënora de bona man é bëgnodüda.

Barachin dal vin cöt a La Val
Sön plaza de Comun a La Val vëgnel daurí tratan l’Advënt y cina ai 6 de jená le »Barachin dal vin cöt«, cun deplü apuntamënc, ince musicai
Les temperatöres s’á arbassé, porchël él gran ora da scialdé anima y corp cun n bun vin cöt o n bun soft da pom cialt en compagnia. Cun ligrëza ves lasciunse alsavëi che ince en chësc ann él l’Uniun dl Sport da La Val che s’inviëia al »Barachin dal vin cöt« sön plaza de Comun a La Val. Pro i apuntamënc él ince preodü intratignimënt musical.
Le barachin sará davert dai 5 de dezëmber ai 6 de jená, tres dales 19:00 inant. Chisc é i apuntamënc: 5.12., 6.12. dales 17:00 (San Mi­curá te plaza cun les patrones che arjigna ca de bun da mangé, intratignimënt cun Christian y René), 7.12. (Weisen­bläser), 12.12., 13.12. (Viktor y Paolo), 19.12. (Manuel Costabiei cun i orghi a man), 25.12. do mëssa grana (Alphörner), 26.12. (Duo Gota), 27.12. (Emily y Mattia), 6.01. (Poscignara cun les patrones y intratignimënt cun Christian y René). Gnide a nes ciafé, i s’la inconfortun!

Prejentazion dl Schi Club Gherdëina
L Schi Club Gherdëina nvieia ala prejentazion dla scuadres, n sada ai 13 de dezëmber
N se anconta dala 17:30 sun plaza de S. Antone, tla ncrujeda cun la streda Petlin a Urtijëi, per jì duc de­berieda nchin sun plaza Stetteneck, ula­che l unirà prejentà la scuadres de duta la disciplines sporti­ves, i:la alenadëures, i spon­­­­sëures y sambën l cudejel dl ann nuef. 
Duc ie nviei de cuer!

»Der Alpen Appell« – l apel dla Elpes
La lia per Natura y Usanzes nvieia ala prejentazion dl liber »Der Alpen Appell« tl Circolo–Lia Mostra d’Ert, n vënderdi ai 12 de dezëmber dala 20:00
La Elpes se à da for incà trasfurmà – ma mei tant coche śën. Perchël ieles nce te na resieda coche mo mei. L autëur de films, jurnalist y espert dla Elpes, Georg Bayerle, à usservà chisc mudamënc bele da desëines de ani incà. 
Te si liber nuef analiséiel la cundizions de chësc ecosistem tan zite y mostra mesuns per stravardé y salvé i crëps dla Elpes.

Prejentazion dl calënder dl Circolo 2026 y slam-poetry & armonica
L Circolo–Lia Mostra d’Ert à l plajëi de nvië a

• 
•  

View the embedded image gallery online at:
https://www.lausc.it/manifestazions-y-evenc/30862-manifestazions-atuales-speziales#sigProId0d720c74ed

chësta manifestazion culturela n vënderdi ai 12 de dezëmber dala 20:30 tl self dl Circolo a Urtijëi
L unirà prejentà l calënder dl Circolo 2026, na restrospetiva dla manifestazions metudes a jì ntan l ann dla mostres 2025. Per uni mëns iel nce na plata cun na fotografia de na mostra o de na manifestazion fata ntan chësc ultim ann. Daldò uniràl cialà inant al ann che vën y prejentà na pert dl prugram.
La jirà pona inant cun l »slam-poetry & ar­monica«, na ancunteda danter mujiga y poejia perfurmativa, cun Irene Moroder (po­ejies de slam) y Mattia Demetz al’armonica.

Cunzert dl’Urchestra Haydn
I Jëuni de Mujiga Gherdëina nvieia al cunzert dl’Urchestra Haydn: n juebia ai 11 de dezëmber dala 20:00 tla Cësa di Cungresc a Urtijëi
Per la lingia di cunzerc di Jëuni de Mujiga de Gherdëina ne pòssel nia mancë chël dl’Urchestra Haydn de Trënt y Bulsan, chëst iede sot ala bachëta de Nicolò Umberto Foron y Mira Foron ala prima vidula.
Sun l program saràl l cunzert per vidula y urchestra tl re maggiore de Čajkovskij (op.35). La jirà inant cun la terza sinfonia tl be-moll maggiore (op. 55 erotica) de Beethoven.
La chertes de ntreda ie da giapé pra la cassa y danora tl ufize dla Lia per l Turism de Urtijëi.

»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nueva dai 5 de dezëmber inant tl Museum
Unide a scuvierjer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpurtanza per la vita de truepa families de Gherdëina.
Ot mëises nteratives nvieia a fé damat, crië y scuvierjer deberieda. Fotografies storiches, pec uriginei, video y tesć conta dla produzion di juesc y dl’atività dla Sevi tres cin’ generazions.
N’esperienza unica per pitli y granc – l vën nvià de cuer a fé damat! N dumënia ai 7 de dezëm­ber ie la mostra davierta dala 10:00 inant estlu­sivamënter per chi che à laurà tla Sevi.
La mostra sarà davierta al publich dai 5 de dezëmber inant, for dal lunesc al vënderdi dala 10:00 nchin la la 16:00.
N dumënia ai 7 de dezëmber dala 14:00 ala 18:00 vëniel pità n »Di dla porta davierta« cun n pru­gram speziel per la families (ntreda debant).