La Usc di Ladins

Freddy, por chi che ne te conësc nia, poste te presenté en cört?
I sun Freddy Planinschek da La Ila, i laori sciöche fotograf y maester de schi, i sun maridé y á dui mituns.

Da tan d’agn este pa bele fotograf y co este pa rové pro la fotografia?
Bele da möt acompagnâi mi pere a fá fotografies, ajache ël ê ince fotograf. Dailó ái odü sciöche le laur gnô fat y al m’á plajü. Iö á ciamó conesciü la fotografia sön lastres de vider y i á fat impara döt le svilup, dal analogh al digital, dal blanch y fosch al corú. Le mudamënt é sté gran, da canche i ê n te möt y plü inant te chisc 40 agn da fotograf profescionist. Impó me infidi da dí che la fotografia da inlaota ê la plü bela. Ara gnô aprijada deplü, tratan che sëgn ára pordü valur.

Manifestaziuns, conzerc o defilades: olache al se desfira val’ este tres da incunté. Ci te sá pa le plü bel de to laur y ciüna é pa la maiú desfida?
Le plü bel de chësc laur é che vigni iade él val d’ater. De evënc repetitifs m’ái n pü’ stufé y a chi ciari da jí demanco. Al é n mistier che lascia pro gran varieté. Les desfides é plü co ater chëra de ester indlunch tl dër’ momënt, sides por abiné düc, co por ne jomé ia nia. Ara ne vá nia da ester indlunch, mo an mëss ester indlunch! (MO)

De plu tla edizion stampeda de La Usc di Ladins o sun l e-paper a paiament www.lausc.it/e-paper