La Usc di Ladins

Ai 27 de november al Palais Des Nations de Ginevra l é stat endrezà la 18^ sescion del Forum de la Nazions Unides con la partezipazion de passa 900 raprejentanc de Stac, organisazions intergoernatives e no goernatives, esperc academics e raprejentanc de la mendranzes che se dèsc ju te la defendura di deric umans.
A chesta sescion à tout pèrt per la pruma outa ence n raprejentant de la mendranza ladina, l comendator Leopoldo Rizzi da Vich che à portà dant sie intervent per talian e ingleis. L Osservatorie Nazionèl su la Mendranzes à cernù de valorisèr i Ladins desche ejempie de coejion sozièla e de defendura de la tradizions, ge recognoscian sie ruol te la teila culturèla talièna. Na ocajion unica per portèr la ousc di Ladins a l’atenzion mondièla.

Se pel lejer dut su La Usc nr 47 dai 5 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.




 (Monica Cigolla)