La Usc di Ladins

a domënia ai 23 de novëmber da mëssa grana á la Cüra de Badia zelebré cun gran partezipaziun dla comunité la festa de Santa Zezilia – patrona dla musiga sacra, adöm ala festa solëna de Crist Re. Na festa de prezet cun n significat particolar. N santú dediché ala musiga y al cianté, che ne dess nia ma ester notes y melodies, mo ince noela por incundé la liturgia y la fede, n compit nia saurí, mo impó dër prezius. Tan debojëgn che i un düc aldedaincö de emoziuns positives y de religiosité, por se vire saurí cun nos instësc y respeté nosc proscim.  Siur degan Iaco Willeit á zelebré la mëssa. Ala fin dla mëssa él spo gnü surandé deplü onoranzes por zacotan de ciantarins y ciantarines che en chësc ann á arjunt na zifra torona. Plü avisa á ciafé na onoranza Benedicta Pescoller y Walter Craffonara por 35 agn, Elisabeth Ties por 40 agn y les sorus Frieda y Agnes Dapré por 45 agn de sorvisc pro le Cor de dlijia.

Deplü nes cunta Susi Pitscheider t’La Usc di Ladins di 5 de dezëmber 2025