La Usc di Ladins

Moena e duta Fascia fèsc festa per n ezelent resultat sportif. Mirko Felicetti da Someda é ruà prum tel secondo slalom lèrch paralel de brea de Copa del Mond de Mylin te la Cina. Do beleche 6 egn che no l ruèa più sul podie en domenia ai 7 de dezember Mirko, che cor per l Circolo Canottieri Aniene e l é sponsorisà da l’ApT de Fascia, l é stat bon de se vadagnèr l sciaier più aut. So ultim gran suzes l era stat chel dai 29 de firé del 2020 a Blue Mountain semper tel slalom lèrch. 

A la fin de la garejèda Mirko, dassen content, l à dit: »L é na venta che val dut. Ge dediche chesta venta a duc chi che me dedica so temp e a chi che à cherdù te me te chisc ultimes egn. Jon inant coscita.« L auter ladin Daniele Bagozza se à classificà al diejem post. Anter la eles enveze Lucia Dalmasso, che aea vent gara 1, ai chèrc de finèla l’à fat n picol fal e la é stata passèda via da l’autriaca Sabine Payer.
En sabeda ai 13 de dezember la Copa del Mond de brea fèsc tapa te Ampez.

De più su La Usc stampèda de en vender ai 12 de dezember del 2025.  (MCI)