La Usc di Ladins

Se à tegnù a Trent, ai 2 e 3 de messèl, te la sala de raprejentanza de la Region Trentin-Südtirol, l prum convegn internazionèl su la toponomastica de la mendranzes linguistiches storiches te la Tèlia, endrezà dal assessor regionèl a la mendranzes linguistiches Luca Guglielmi en colaborazion con l’Università de Trent. Na ocajion de confront e de reflescion su n tem che tocia la reijes identitères de la comunanzes mendres e che veit tel patrimonie toponomastich n strument fondamentèl per la defendura e la valorisazion di lengac de mendranza.

Do i saluc istituzionèi da man di raprejentanc de la Region, de la Provinzies de Trent e Busan e de l’Università de Trent che à avert l convegn, l prum dì l é stat fat n chèder generèl su la toponomastica e la mendranzes linguistiches tel ordenament talian e l é stat metù dant che che perveit l ONU per la standardisazion di inomes de lech. Ge é stat dapò lascià lèrga ai reladores che à portà dant la situazion di lengac de mendranza de la Tèlia...

Se pel lejer de più su La Usc stampèda de en vender ai 11 de messèl, che se pel troèr ence te la boteighes de sfoes de la valèdes ladines.  (Monica Cigolla)