En vender ai 5 de dezember vegnel sourandé a Roma l Pest Tullio de Mauro »Salva la tua lingua locale«. Danter les persones premiedes él ence Paul Videsott d’Al Plan, prof. de Filologia Romanza/Ladinistica tla Università Liedia de Bulsan. La juria dl concurs nazional à volù ti assegné l prum pest tla categoria di vocabolars, per si »Vocabolar dl ladin leterar 1«. L prum volum de chest vocabolar basé completamenter sun i tesć tol ite dut l tesour dl lessich ladin, dai prums tesć leterars ladins fin al 1879, l ann che al é vegnù fora l prum dizionar ladin de Jan Batista Alton. L pest de prestisc che vegn sourandé encuei é n gran suzes per n projet che met en mostra n lingaz de mendranza te duta sia ampleza storica.
Deplù t’La Usc di Ladins di 5 de dezember
Pest de prestisc per l Vocabolar dl ladin leterar
Paul Videsott, professour de Filologia Romanza/Ladinistica tla Facolté de Scienzes dla Formazion dla unibz, vegn premié encuei ai 5 de dezember con l Pest »Tullio de Mauro«, per si prum volum dl "Vocabolar dl ladin leterar" – n thesaurus monumental de paroles ladines
Galaria retrac
View the embedded image gallery online at:
https://www.lausc.it/atualite/30842-pest-de-prestisc-per-l-vocabolar-dl-ladin-leterar#sigProId1c92d812e3
https://www.lausc.it/atualite/30842-pest-de-prestisc-per-l-vocabolar-dl-ladin-leterar#sigProId1c92d812e3
