La Usc di Ladins

En mèrtesc ai 2 de dezember te Kino de Cianacei l é stat dit fora i inomes di venjidores de la pruma edizion del pest cinematografich »L Cucarel«, nasciù te chest 2025 con chela de soscedèr anter la neva generazions gaissa e enteres envers la produzion de curc filmac te una de la variantes del ladin del Sela. 
L concors, a chel che chest an à tout pèrt cinch idees projetuèles, l é stat metù a jir dai joegn da la Coprativa sozièla Inout, col coordenament del joen linguist fascian Tita Dorich, en colaborazion col Istitut Cultural Ladin Majon di Fascegn e col sostegn de la Region Trentin Südtirol. 
L Cucarel l é l frut de la idees e del lurier del grop de joegn che à tout pèrt al projet »Troupes«, endrezà da Inout del 2024 tel chèder del Pian di Joegn La Risola. Anter la desferenta ativitèdes programèdes per arvejnèr i partezipanc al mond del video making, l grop aea abù l met de jir a Cagliari e de cognoscer la realtà del Babel Film Festival, che da egn te la Sardegna l endreza l concors »Kentseboghes«, che envia la comunanza a realisèr filmes e prodoc audiovisives per lengaz sard.

Se pel lejer dut su La Usc nr 47 dai 5 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.

 (Thomas Zulian)