La Usc di Ladins

Peon via dai ultimes conzerc, che l Canticum Novum à portà dant tel temp de le feste...
Ilario Defrancesco L conzert de Nadal l é n apuntament de ogne an da canche l é nasciù l coro, n moment spetà. Chest temp del an é leà a la musega corala amò più che a chela strumentala e l repertorie de ciantie l é dalbon n muie gran, coscita posse ge jontar int valch da nöf ogne an. Chest an aon fat 3 conzerc, a Moena, a Pera e fora Caran e aon fat ence n toch n muie senester a ot osc: ades sion en tenc e cere de desfrutar sto moment bon.

Tenc de ciantores él tel Canticum?
Ades sion de amancol 40, no sion mai stac scì tenc. A esser te la Federazion veje che stroz i cores i é mingol en crisa, ades l é mudà i ritmes de vita e l é fazile che i cores i perde ciantores e i aesse na età mesana semper più auta. Tel Canticum enveze da pöch l é vegnù int 10 corisć: doi i era jà stac int, i era se n jic per empegnes de familia o de laoro, e l é ruà ence n bel grop de jovene.

Podede lejer dut su La Usc dai 23 de jené da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Lucia Gross)