La Usc di Ladins

Tel debatit per la regolamentazion de la doura de la bandiera ladina l é entervegnù enstadì con n comunicat l assessor regionèl a la mendranzes linguistiches Luca Guglielmi che à emprometù che dant de la fin del an vegnarà fat na norma chièra per sia valorisazion.

»La tradizion de la bandiera ladina la é semper stata, e la é amò aldidanché, evidenta e condividuda – disc l assessor ladin Guglielmi. Mie empegn, ence personèl, no l é mai mencià: la Jonta regionèla la é do che la laora per ruèr dant de la fin del an a na regolamentazion normativa chièra de la bandiera ladina«. L é chestes la pruma paroles del assessor che respon al debatit envià via dal ex assessor provinzièl e conseier regionèl Massimo Bessone e dal ex assessor de Comun de Ortijei Stefan Kasslatter.
»La mozion é stata aproèda ma dapò se se à troà tedant rejons ogetives e tecnich-giuridiches che domana n intervent più prezis – disc Guglielmi – sion do che luron a n dessegn de lege che sostegne la Provinzies de Trent e de Busan a durèr la bandiera ladina ti teritories ladins, descheche perveit la normativa«.

Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)