La Usc di Ladins

Co s’armöion pa cun i lingac de mendranza tl monn digital, ciügn é pa i proiec, ciünes pa les inovaziuns de promoziun dl lingaz? Ci pón pa dé inant de chësc vers y ci pón pa imparé dai atri? Chëstes é ma n valgönes domandes che an s’á fat pro la 10. incuntada anuala dl grup de laur "Non–Kin–State". Ara se trata de n grup al intern dla FUEN, la Federaziun dles Mendranzes Europeiches, che cöi adöm dötes les mendranzes zënza "hinterland", tan co chëres che n’á degun raiun döt so y degun stat vijin che baia so medemo lingaz. Do che le grup ê rové adöm l’ann passé a Al Plan, s’án abiné en chësc ann dai 2 ai 5 de messé tla cité olandeja de Ljouwert/Leeuwarden, capitala dla Frisia.

Scebëgn che le grup é sté mënder co i atri agn, él impó sté rapresentanzes da piz a ciantun, cun i Aromuns dla Romania, i Sorbs dla Germania, i Bretons dla Francia, i Frisc dla Germania y dl’Olanda, i Ienisc dla Germania, sciöche ince nüsc "jormagn" Furlans y nos Ladins dles Dolomites – rapresentá dala Union Generela di Ladins cun l’aministradëssa Marion Kostner y le sotescrit.

Deplü sön la incuntada, sön na cité via y dal spirit jonil, n morin olandesc che é na maestria artejanala y la morvëia dles "dighes naturales", podëise lí t’La Usc di Ladins di 10 de messé