La Usc di Ladins

L era l'ènema de la comunanza ozitana, Ines Cavalcanti, fondadora de la Chambra d’Òc, sociazion che se dèsc ju tel stravardament e te la valoriosazion del lengaz ozitan e de l'identità de chela comunanzes del Piemont. La é se n jita ai 17 de messèl, a l'età de 75 egn. De gra a na sia idea e a sia capazità de la portèr inant ensema con n grop de amisc volontadives, del 2008 l era nasciù te n picol paìsc ozitan japede l Monviso, Oustano, l »Premio Ostana« per uzèr fora l valor de n plurilinguism vif e gaert. Chest event ti egn se à vadagnà ressonanza internazionèla e ge à dat nonzech a chest picol grop de cèses e ai picoi lengac en general.
L gran despiajer per la mort de chesta militanta ozitana é jit ence sorafora sia tera, ti etres raions de mendranza e ence te la Ladinia, tocian duc i ladins che à spartì con ela n toch de percors. Ence l Istitut Cultural Ladin de Fascia à palesà la vejinanza e l despiajer per sia departida.

Podede lejer dut su La Usc stampèda dai 24 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (LG)