La Usc di Ladins

Do agn de laur intensif ésera finalmënter garatada. I baiun dla premiera dl teater musical "Ujöp da Oies", gnüda a s’al dé en vëndres sëra. Le teater musical che cunta dla vita de Sant Ujöp Freinademetz é nasciü da n proiet metü en pe dala Müjiga de Badia y le Sorvisc ai Jogn Val Badia - sot la coordinaziun de Philipp Lerchegger y Stefanie Burchia por la Müjiga, sciöche ince Valentin Erlacher - ex coordinadú dl Saj. I tesć dl teater é de Carlo Suani, le componist Antonio Rossi á fistidié dles musighes, la regia é tles mans de Valentina Kastlunger y Bernardetta Nagler. Döt adöm laora para incër 150 porsones, che pó do la pröma serada se bate söla sciabla por le bel resultat.
Chiló orunse ves pité n valgönes impresciuns fotografiches dla serada. Deplü ciafarëise spo t’La Usc di Ladins di 29 de messé.
Pro la premiera ê i 600 posć dles tribunes alaleria düc ocupá. Chi che ó, pó ciamó s’assiguré n post por les proscimes rapresentaziuns, che sará incö sabeda ai 23 de messé, spo ciamó ai 27, 29 y 31 de messé, dagnora dales 21:00 a Oies de Badia. Les chertes ciafon sön www.musicaloies.it

 (pablo)