Al prisc de 700,00 euro/m² + 22 % CVA á le Comun venü tl 2018 y 2019 a 3 confinanc dla strada Runcac 5 sperses de grunt dla fraziun y dl Comun. G. P. á paié na spersa de 76 m² euro 71.309,00. Le grunt venü a chësc prisc ê plödadi pastöra y dal pröm plann urbanistich 1973 incá zona residenziala. 343,00 euro ti á le Comun paié 49 m² de grunt al Friser do ti avëi sposté la strada, en pert püch dan l’espropriaziun tl ann 2019 sura l’azes ala ciasa y plaza da parché ca, indöt te na larghëza de 4 m. D’atri 23 m² de grunt s’á le Comun tut por fá n tretuar, chësc zënza paié. Por 20 m² de grunt, tl plan urbanistich comunal »strada comunala dla sort D« püch plö insö, á le Comun paié 12.810,00 euro (525,00/m²
+ 22 % CVA) y a San Ciascian páiel por l’afit de 18 m² de grunt por n post da parché 400,00 euro + CVA al ann. I 49 m² de grunt dl Friser espropriá tl 2019 sciöche strada y paiá indöt 343,00 euro, ê plödadî na pert dla »particella edificiale 101« (parzela de grunt 962/1) y dal pröm plann urbanistich incá zona residenziala. Tl 1963, canche al ê gnü cumpré le grunt (parzela zënza tru y zënza strada!) da Lois Nagler, 624 m² indöt, á 72 m² costé 72.000 Lires. Y sëgn vëgni ciamó paiá 343,00 euro. 0,5 m² de grunt dl Comun o dla Fraziun costa deplö co 72 m² de grunt dl Friser tl zënter de Pedraces. Iustizia?
(Letra de Josef Irsara, aministradú de sostëgn, Badia) De plu tla edizion stampeda de La Usc di Ladins o sun l e-paper a paiament www.lausc.it/e-paper
